Динамо Загреб со предност ќе го очекува реванш дуелот од осминафиналето во Лигата на Европа против португалска Бенфика откако славеше 1-0 во првата средба на „Максимир“.
Во составот на „модрите“ поради проблеми со стомачниот ѕид не беше македонскиот репрезентативец Аријан Адеми. Динамо Загреб до триумфот дојде благодарение на голот од пенал на Петковиќ во 38. минута од натпреварот….
Арсенал загуби на првата средба од француски Рен со 3-1. Ивоби уште во 4. минута ги донесе „топчиите“ до водство, но потоа Рен стигна до комплетен пресврт.
Најпрво, Бенџамин Буриге во 42. минута израмни, со автоголот на Монреал во 65. минута Рен дојде до водство од 2-1, а Сар во 88. минута ги постави конечните 3-1.
Севилја и Славија Прага во Шпанија одиграа без победник 2-2, Интер има 0-0 по првиот дуел од гостувањето против Ајнтрахт во Франкфурт, а Вилјареал го декласираше Зенит во Санкт Петербург победувајќи со 1-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
