Досегашниот прв тренер на Кит Го, Трајче Сенев се повлече од клупата на второлигашот од Пехчево.
По двата порази од Саса во Македонска Каменица и последниот од Борец во Велес, Сенев се одлучи да си поднесе оставка на тренерската функција, како што вели, единствено во интерес на клубот за остварување на подобри резултати во натпреварите кои следуваат.
Сенев е еден од најзаслужните за досегашните резултати на екипата на Кит Го, водејќи го тимот од самите почетоци минувајќи од најниските домашни натпреварувања па се до експресниот влез во Втората лига. Под негово водство Кит-Го влезе во Втората лига – Исток без ниту еден пораз минатата година.
„Раководството на ФК Кит Го му се заблогодарува за досегашната соработка и му посакува многу успеси во понатамошната тренерска кариера. Наскоро ке биде и објавено името на новиот тренер кој ке го предводи тимот на Кит Го“ – информираат од канцеларијата на второлигашот од Пехчево.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
