На денешен ден пред 26 години првиот натпревар го имаше еден од најголемите италијански фудбалери, Франческо Тоти. Симболот на „вечниот град“ и долгогодишен капитен на Рома, првиот меч во Серија А го имаше на 28 март 1993 година, кога имаше само 16 години.
Тогашниот тренер на Рома, Вујадин Бошков го внесе во игра младиот Франческо, во мечот против Бреша кој „волчицата“ го доби со 2-0. Останатото е историја. Тоти крај на кариерата објави во 2017 година, по 25 поминати сезони во дресот на Рома, во кои одигра 786 натпревари и постигна 307 гола.
Тој беше светски шампион со Италија во 2006 година, во 2001 ја освои Серија А, а во 2014 година во мечот против Манчестер Сити кој заврши 1-1, стана најстариот стрелец во Лигата на шампионите.
On this day in 1993 Francesco Totti made his @ASRomaEN debut. He’d go on to score 307 competitive goals for Roma in all competitions, a club record. pic.twitter.com/flOgEEd5fO
— MUNDIAL (@MundialMag) March 28, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
