Англиската фудбалска федерација потврди дека во финалниот меч од плеј-офот во Чемпионшип нема да биде користен ВАР системот. Јавноста притискаше поради значењето на овој дуел, чија вкупна вредност се проценува на 170 милиони фунти (заработка што би ја имал тимот што ќе влезе во Премиер-лигата), да биде користена ВАР-технологија. Сепак, Здружението на клубови од Чемпионшип-дивизијата ја отфрли оваа идеја, па судиите ќе немаат помош од технологија на суперзначајниот натпревар што традиционално се игра на „Вембли“ во Лондон.
Како образложение е наведено дека ВАР не е користен цела сезона во Чемпионшип, па раководството на лигата не сака да ризикува користејќи го само во еден натпревар.
Во Англија ВАР се користи во ФА купот и во Лига купот, а веќе е официјализирано дека од следната сезона ќе се употребува и во Премиер лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
