Раководството на КК Гостивар одржа состанок на кој се дискутираше за иднината на овој клуб. Гостиварци беа бесни на арбитрите по полуфиналето од Купот на Македонија против Блокотехна, но иако како опција најавуваа и истапување од лигата, сепак на крајот беше донесена одлука овој тим да продолжи да се натпреварува.
Соопштението на КК Гостивар го пренесуваме во целост:
На состанок на Управниот одбор на Кошаркарскиот клуб Гостивар, кој вонредно заседаваше после случувањата и елиминацијата на КК Гостивар од куп натпреварувањето, на кој единствена точка на дневен ред беше понатамошното учество во Супер лигата се донесе следниот заклучок:
Земајќи ги во предвид до сега вложениот труд, напори, финанси, љубовта на градот кон спортот, обврските кон верната публика која е нашата сила, КК Гостивар ќе продолжи да се бори против сите неприродни сили кои се појавуваат во кошарката и спортот. Гостивар ќе има кошарка!
Иако, наспроти наведеното од другата страна имаме Федерација каква што имаме, иако на националниот куп судиите се делегираат во Мрзенци, иако арбитражата на тие судии ја виде целата јавност само не тие што треба, иако делегатот по своја или туѓа волја немаше никава забелешка за играњето фудбал, во нити еден момент во таа тензична атмосфера каде се промовира фер плеј не се прегледа нити една спорна ситуација на која им се сугерираше, иако денеска во Струмица беа нападнати М14 младинците на КК Гостивар, од страна на делегираниот делегат на МКФ, иако во нормалниот свет после вакви скандали има оставки и суспензии.
Сето ова во интерес на кошарката ќе биде предочено на ФИБА.
Благодарност до сите, кои не поддржаа после натпреварот во Гевгелија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
