Фудбалерите на Наполи не успеаја во 180 минути да постигнат гол против Арсенал во четвртфиналето на Лигата на Европа, со што тимот од Лондон со вкупен резултат од 3-0 се пласираше меѓу четирите најдобри во најмасовното европско фудбалско натпреварување.
Синоќа на „Сан Паоло“ со голот на Александер Лаказет, „топџиите“ триумфираа и на реванш дуелот, меѓутоа според ѕвездата на Наполи, Дриес Мертенс поразот е незаслужен.
„Првите 10 или 15 минути имавме шанси и да дадевме голе се ќе беше поразлично. Примивме гол кој не потресе, но се уште верувавме и знаевме дека Арсенал не е толку добар. Немаат квалитет поголем од нашиот и искрено самите го изгубивме мечот“, изјави Мертенс.
Арсенал со победата на Наполи, закажа двомеч со шпанската Валенсија. Првиот натпревар ќе се игра на 2. мај на „Емирејтс“ во Лондон, а реваншот е седум дена подоцна на „Местаља“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
