Кадетската ракометна репрезентација на Македонија не успеа да се пласира во големото финале од силниот турнир во Бугојно, откако во полуфиналната пресметка претрпе минимален пораз од Словенија со резултат 26-25.
Селекторот Брестовац и неговите избраници имаат за што да жалат бидејќи Македонија одигра фуриозно во второто полувреме, кога „црвено-жолтите“ за малку чудесно ќе се вратеа по негатива од десет гола. Имено, Словенците имаа водство од 24-14 и помислија дека се е готово, но тогаш тргна македонската фурија и водството на противникот почна да се топи. Штета е што и при 26-25 Македонија имаше четири напади за да стигне до израмнување, но нашите млади ракометари не успеаја да погодат во клучните моменти и на крајот претрпеа минимален пораз.
Македонските кадети утре ќе играат во „малото финале“ од турнирот во Бугојно, против поразениот од вториот полуфинален меч меѓу Германија и Полска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
