Пол Погба им кажал на соиграчите во Манчестер Јунајтед дека сака да се пресели во Реал Мадрид по завршувањето на сезонава, тврди францускиот „Л ’Екип“.
Весникот тврди дека францускиот репрезентативец бил незадоволен од тоа што Јунајтед не може да обезбеди пласман во Лигата на шампионите следната сезона. Тој има договор до 2021 година, но наводно немал намера да го одработи до крај.
Погба оваа сезона одигра 43 натпревари, постигна 16 гола. Се проценува дека неговиот евентуален трансфер во Реал Мадрид би вредел повеќе од 100 милиони евра.
Манчестер Јунајтед од шестата позиција на табелата влегува во вечерашното дерби со градскиот ривал Манчестер Сити. На двата клуба им се неопходни бодови, на Сити во трката со Ливерпул за шампионскиот трофеј, а на Јунајтед во обидот да се пробие до четвртата позиција на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
