Пол Сколс најдобро знае што значи да се биде лидер во средниот ред на Манчестер Јунајтед, па поранешниот англиски репрезентативец не ја пропушти можноста жестоко да го искритикува Пол Погба по најновото слабо издание на францускиот ас на дербито со Челси.
„Кога го гледате Манчестер Јунајтед, конфузијата во средниот ред е очигледна. Тој живее во сопственн свет на фантазијата каде што е најдобар во се и не сака да ја увиди реалноста, а луѓето околу него не му ја соопштуваат“ – истакна Сколс.
Според него, англискиот гигант мора што поскоро да се раздели од Погба за да ја врати хармонијата во екипата.
„Низ годините Јунајтед губел врвни играчи како Кин, Бекам, Роналдо, Ван Нистелрој… и секогаш успевал да го надополни нивното отсуство. Сите сме свесни за потенцијалот на Погба, но тој не го покажува тоа што го знае секој натпревар, а токму тоа се очекува од него на 26-годишна возраст. Можеби му треба играч со авторитет крај него, како што некогаш ние го имавме Рој Кин. Сепак, сега таков играч нема во Јунајтед и затоа сметам дека Погба треба да си замине, за да може да се врати тимскиот дух во Манчестер“ – порача Пол Сколс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
