Пари Сен Жермен го совлада Дижон со убедливи 4-0 во претпоследното коло од францускиот шампионат, а со оглед дека „светците“ одамна ја обезбедија круната, вниманието го привлече потегот на уругвајскиот интернационалец Единсон Кавани. Тој среде меч ја смени капитенската лента која беше во посебни бои и содржеше порака за поддршка на ЛГБТ заедницата.
Сепак, на Кавани очигледно дека тоа не му се допадна премногу, па во текот на натпреварот ја замени лентата и стави друга на левата рака. Кавани не е прв фудбалер кој одбил да даде поддршка за ЛГБТ заедницата. Тоа во август го стори и хрватскиот фудбалер Јосип Брекало на мечот меѓу Волфсбург и Шалке во Бундес-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
