Македонската репрезентација ќе има лесна група во првата фаза од Светското Првенство за ракометари до 19 години што летово ќе се одржи во Скопје. На ждрепката во Базел групите ги влечеа челниците на РФМ, претседателот Живко Мукаетов и генералниот секретар Филип Милошевски, заедно со селекторот Данило Брестовац.
Според вообичаената пракса, домаќините по петте извлечени шешири можеа да бираат во која група ќе се најдат, а нашата делегација без многу размислување ја избра групата Ц. Во неа, „црвено-жолтите“ ќе се сретнат со Данска, Бахраин, Јапонија, Аргентина и Нигерија, во обид да се стигне до што подобар пласман и учество во следната рунда.
„Сигурен сум дека нашата прекрасна земја ќе биде успешен организатор на овој мундијал“, изјави претседателот на РФМ, Живко Мукаетов, пред почетокот на свеченото извлекување.
Светското Првенство за ракометари до 19 години ќе се одржи во нашата земја во периодот од 6 до 18 август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
