Фудбалската репрезентација на Австрија утре ќе допатува во Скопје без најголемата ѕвезда Давид Алаба. Фудбалерот на Баерн Минхен заработи повреда на мечот против Словенија во петокот и по деталните лекарски прегледи е проценето дека не е способен за настап. Тој денеска ја напуштил базата и нема да биде дел од експедицијата што ќе допатува во Македонија. Алаба го повредил бутниот мускул на левата нога и го очекува пауза од најмалку триесетина дена, но сезоната е веќе завршена.
Селекторот на Австрија, Франко Фода, ќе допатува со 22 фудбалери, а меѓу нив и дефанзивецот Мартин Хинтерегер кој се жали на болки во грбот. Тој беше стартер на мечот против Словенија (1-0) на централната стоперска позиција заедно со Александар Драговиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА