Менаџерот на Манчестер Јунајтед, Оле Гунар Солскјер, го одреди Бруно Фернандеш, фудбалерот на Спортинг Лисабон и соиграч на Стефан Ристовски, како една од најголемите трансферни желби за претстојниот преоден рок. Играчот за врска на португалскиот клуб треба да биде замена за Французинот Пол Погба, за кого е се поизвесно дека ќе замине од „Олд Трафорд“.
Раководството на англискиот премиерлигаш би платило 70 милиони евра за трансферот на Бруно Фернандеш. За него постои интерес и од европскиот првак Ливерпул, како и од вицепрвакот Тотенхем.
Бруно Фернандеш одигра 53 натпревари за Спортинг Лисабон и постигна 32 гола, а забележа и 18 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
