Италијанскиот стратег Маурицио Сари од пред неколку денови е нов тренер на Јувентус, каде пристигна по разделбата со Челси.
Но, очигледно Сари брзо ја заборави работата во тимот од Лондон, па со последните коментари веќе и отворено ги лути навивачите на Челси. И покрај тоа што коментарот е реален…
„Имав голема среќа што го тренирав Челси, но да бидеме искрени Јувентус е нешто сосема друго. Во Јувентус постои приказна која е долга 100 години, додека во Челси е нешто недораснато што трае само 20 години“ – истакна Сари.
Сари со „Старата дама“ потпиша тригодишен договор кој за Торино ќе го врзе до летото 2022 година. Примарна негова задача ќе биде да ја освои Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
