Стратегот на Зрињски, Хари Вукас пред утрешниот дуел со Академија Пандев на арената „Тодор Проевски“ вели дека неговиот тим не ја носи фаворитската улога, и без ниту најмало потценување пристапуваат на натпреварот против струмичани.
„Академија Пандев е одлична екипа која ќе игра без некој притисок, а тоа на вакви натпревари може да биде предност. Затоа без ниту најмалку потценување ја очекуваме пресметката. Доброт го анализиравме противникот кој има одлични поединци како Дориев и Сашко Пандев, но и извонредни млади фудбалери. Ова за мене е деби на клупата на Зрињски и секако сакам успешно да го заокружам“ – истакна Вукас на прес-конференцијата во Скопје.
Слично е размислувањето и на капитенот Слободан Јаковљевиќ….
„Тука сме во Скопје да одиграме најдобро што можеме и умееме. Не смее да има потценување на противникот ако сакаме пласман во следната рунда натпревари“ – истакна Јаковљевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
