Стратегот на Македонија ЃП, Александар Таневски по вториот пораз на „лавовите“ од Алашкерт и крајот на европски настап истакна дека сето ова било една добра лекција за неговиот тим кој едноставно немал можност за изненадување против квалитетниот ерменски тим.
„Ова е голема лекција за нас. Но, можам да им порачам на фудбалерите само главата горе затоа што Македонија ЃП ќе продолжи да работи и да напредува. Ние за само две години од Втората лига стигнавме и до европски настап и тоа доволно заборува како се работело во клубот. Честитки за Алашкерт која беше подобрата екипа во овој двомеч“ – рече Таневски на прес-конференција по мечот и дополни:
„За пласман во следната рунда, во секој случај, треба многу повеќе од тоа што ние го демонстриравме на овие два натпревари. Игравме малку конфузно и неагресивно, како некој просечен прволигашки меч и сето тоа донесе резултат каков што донесе. Сепак, ова е искуство од кое треба да се извлечат поуки“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
