Се уште не се смирија впечатоците од вчерашните случувања на „Пољуд“ по поразот на Хајдук од полуаметерскиот тим од Малта, Гзира. На тимот од Сплит му се заканува и суспензија од натпреварувањата на УЕФА, пренесуваат хрватските медиуми.
Европската куќа на фудбалот неколкупати го казнуваше тимот поради однесувањето на навивачите, кои и вчера беа во главна улога по поразот на својот тим. Тие направија хаос на стадионот, а дел од нив влегоа и на теренот физички да се пресметаат со фудбалерите на Хајдук. Се очекува УЕФА да биде строга поради инцидентите, а можно е тимот од Сплит да биде и исфрлен од европските натпреварувања следната година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
