Италијанскиот калчолигаш Интер се уште не го составил посакуваниот тим за претстојната сезона во Серија А. Тренерот Антонио Конте посакува нов напаѓач, но размислува и за засилување на средниот ред. По заминувањето на Раџа Наинголан, тој сака да доведе нов креатор на играта.
Како што откриваат медиумите на Апенините, Конте има две желби. Првата е Иван Ракитиќ од Барселона и тој ќе почека уште неколку дена за клубот од „Камп Ноу“ да ги спушти финансиските барања за негов трансфер. Втората опција е Кевин Стротман, поранешниот играч на Рома, кој сега е член на Олимпик Марсеј.
Ракитиќ би го чинел Интер околу 40 милиони евра, а Стротман би го добиле и за двојно помала сума.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА