Македонската кадетска репрезентација на четвртото место го завршува групниот сегмент од Светското ракометно првенство во Скопје и со тоа во осминафналето вкрстува со најдобропасиранта селекција од групата Д, Португалија во осминафиналето.
Ова е разврската откако македонскиот состав во последното коло од конкурнецијата Ц, вечерва загуби убедливо од Јапонија со 31-22.
Дека нашиот тим нема што да бара во овој дуел стана јасно уште само по осум минути кога Јаониците направија 7-0. Првиот гол нашиот тим го постигна дури во деветтата минута. До полувремето предноста на Јапонија се стабилизираше на пет гола, на паузата „самураите“ имаа 15-11.
Во вториот дел предноста на јапонскиот состав континуирано растеше, во завршницата стана и двоцифрена.
Ненад Костески со девет гола беше прв стрелец во нашиот тим, Мартин Серафимов постигна четири.
Македонската репрезентација со биланс од две победи и три порази ја завршува групната фаза, на четвртото место со четири бода. Во нашата конкруенција Данска како непоразена и со максимален број бодови го освои првото место, Јапонија е втора, на третото место се пласираа Аргентинците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
