Комисијата за безбедност при ФФМ на 6. август одржа работен состанок со комесарите и заменците комесари за безбедност и сигурност на фудбалските клубови од Прва МФЛ, а денеска и со комесарите и замениците комесари од Втора МФЛ (запад и исток). На состаноците присуствуваа и претставници од МВР.
Состаноците се одржаа пред почетокот на натпреварувачката сезона 2019/20 со цел разгледување на извештајот за безбедност од пролетниот дел на натпреварувачката сезона 2018/19, елаборирање на правилникот за безбедност и сигурност на ФФМ, измените на правилникот на Безбедност и сигурност на УЕФА кој стапи на сила од 15.06.2019 година.
Беше укажано на конкретните задачи на комесарите за безбедност на клубовите за мерки и активности кои произлегуваат од Законот за спречување на насилството и недостојното однесување на спортските натпревари, со цел безбедно и сигурно организирање на спортските натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
