Првиот тим на РК Металург во премиерниот меч од новата сезона во ракометната Суперлига беше подобар во „братското дерби“ на Автокоманда од Металург2 со убедливи 30-37.
Натпреварот почна неизвесно, а вториот тим на „металурзите“ одлично му парираше на поискусниот тим до 20 минута од мечот кога резултатот беше (10-11) за условно гостите на мечот. Од тогаш поискусните металурзи со серија од 0-9 ги решија сите дилеми околу победникот на мечот, а на полувреме заминаа со предност од 12-20. Во вториот дел дојде до опуштање на избраниците на Дамир Стојановиќ кои во 54. минута му дозволија на противникот да се доближи на минус пет. Сепак, по побараниот тајм-аут металурзите ги консолидираа редовите и стигнаа до конечна победа од 30-37.
Милан Поповиќ со осум гола беше најдобар поединец во победничкиот табор, додека кај Металург2 се истакна Дарио Кофиловски со десет гола.
Во останатите натпревари од првото коло се среќаваaт: Работнички – Струга (сабота, 13 часот), Пролет – Охрид (сабота, 19 часот), Радовиш – Вардар јуниор (сабота, 19 часот) и Пелистер -Бутел (вторник, 18.30 часот).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
