ЕКИПА во Љубљана,
Катерина Павлова Николовска, Никола Ѓуровски
Еден од најдобрите поединци во триумфот над Белорусија, Филип Деспотовски потенцира дека оваа победа е само дополнителен мотив на најдобар можен начин да се одигра и последниот натпревар од групата, утре против Словенија.
„Од срце ја посакувавме оваа победа, многу повеќе од противникот. Затоа и бевме така агресивно во третиот сет кој беше клучен. Потоа едноставно Белорусите беа целосно скршени. На почетокот од четвртиот сет едноставно нервозата и ги надвладеа. Кога видоа дека се изнервираа навистина се израдував. Тогаш знаев дека сигурно победувам“ – истакна Деспотовски, притоа дополнувајќи:
„Словенија секако е фаворит пред утрешната пресметка, но оваа победа сигурно ќе ни биде голем мотив да се обидеме да ги изненадиме“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
