Англискиот премиерлигаш Тотенхем е заинтересиран за Рикардо Сотил, младиот крилен играч на Фиорентина, откриваат медиумите на Островот. Менаџерот Маурисио Покетино испратил скаути да ги следат неговите игри, а наскоро се очекува и тој лично да посети еден натпревар во Фиренца и да се увери во квалитетите на новата млада ѕвезда на италијанскиот фудбал.
Сотил е член на младата фудбалска репрезентација на Италија до 21 година. За Фиорентина дебитираше на 19 септември 2018 година, а потоа замина на шестмесечна позајмица во Пескара за да добие поголема минутажа. Оваа сезона веќе се наметна кај тренерот Винченцо Монтела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА