Нејзиниот татко е еден од најлегендарните македонски фудбалски репрезентативци, а љубовта кон спортот од семејството придонесе таа да заплови во ракометни води. Станува збор за ќерката на Гоце Седлоски, Андреа Седлоска, чиј ракометен напредок придонесе да биде повикана и во сениорската репрезентација на Македонија.
Седлоска за првпат почнува да тренира ракомет во Австрија, додека нејзиниот татко настапуваше во оваа земја, а по доаѓањето назад во Македонија продолжи низ младинските категории да напредува се до сениорско ниво, иако во март наполни само 16 години.
Таа е член на Вардар, а по тешката повреда на коленото од пред неколку сезони собра сили за да се врати во уште подобра форма. Повикот од селекторот Симовски во сениорскиот состав иако има само 16 години е најдобра потврда за потенцијалот на Седлоска, која во годините што следат допрва ќе ги докажува своите квалитети во репрезентативниот дрес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
