Еден Азар пристигна како суперзасилување во Реал Мадрид, но белгискиот интернационалец на првите натпревари во дресот на „кралскиот клуб“ се мачи да ги оправда очекувањата на управата, тренерот и навивачите на шпанскиот гигант. Екс-фудбалерот на Челси е свесен за слабостите во своите изданија и најавува многу подобри партии во иднина.
„Сакам цел Мадрид да се гордее со мене и ќе сторам се за тоа да се случи. Знам што се очекува од мене и свесен сум дека не играм најдобро, но тоа ќе се промени. Тренерот верува во мене, инсистира уште повеќе да се докажувам и неговата доверба многу ми значи. Можеби малку доцнам со формата поради повредата на стартот од сезоната, но тоа не е никаков изговор. Работам напорно и очекувам веќе на следните натпревари да покажам игри од кои сите ќе бидат задоволни“ – изјави Азар.
Следен предизвик за „кралевите“ е утрешниот домашен натпревар против Бриж во рамките од Лигата на шампионите.
„Не е се толку црно, први сме на табелата во Ла Лига. Поразот од ПСЖ беше удар за сите во тимот, но очекувам против Бриж да се вратиме на посакуваните победнички патеки и во Лигата на шампионите“– оптимист е Еден Азар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
