Капитенот на македонската репрезентација, Никола Ѓоргиев, имаше победничко деби во Бундес-лигата откако со Фридрисхафен стигна до убедлив триумф од 3-0 на дуелот со Елтман. Најдобриот македонски одбојкар си замина од Јапонија и реши да се проба во елитното германско друштво, а дебито беше одлично, Ѓоргиев и соиграчите лесно го скршија отпорот на противникот и стигнаа до победата.
Првиот сет беше рутински добиен со 25-19, по што Фридрихсхафен во вториот му препушти 17 поени на гостинот. Во третиот период дојде до мало опуштање во таборот на домашниот тим, па сетот беше добиен со минимални 25-23, за конечни 3-0.
Ѓоргиев беше меѓу најдобрите поединци во победничката екипа, освојувајќи 16 поени на своето бундеслигашко деби.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
