Втората Формула 1 трка на територија на САД ќе биде во Мајами околу стадионот Хард Рок. Сопствениците на Формула 1, кои се Aмериканци соопштија дека е постигнат начелен договор со овој стадион, кој треба да биде домаќин на првата трка во Мајами.
„Воодушевени сме што можеме да објавиме дека Формула 1 и стадионот Хард Рок имаат договор за организација на трката за големата награда на Мајами. Со годишен приход од 400 милиони долари и со 35 илијади ноќевања, големата награда на Мајами секоја година ќе биде значајна финасиска инекција за Јужна Флорида. Им заблагодаруваме на сите што помогнаа да се реализира овој проект“ – стои во соопштението од Ф1.
Хард рок е дом на Мајами Долфинс и на Мајами Марлинс, а домаќин е и на тенискиот Мастерс.
Се очекува трката во Мајами во календарот на Ф1 да влезе од 2021 година. Во САД веќе се вози трката во Остин. Следната година, шампионатот првпат ќе има 22 трки затоа што во најбрзото првенство се приклучуваат трките за Големата награда на Холандија и Големата награда на Виетнам.
The second race in the USA now looks even more likely, with an agreement in principal announced, for the Miami Grand Prix. With a revised layout incorporating Hard Rock Stadium, the Miami GP is expected on the calendar in 2021.#F1PP #MiamiGP pic.twitter.com/4qwl3mYfo7
— F1 Paddock Pass (@F1PaddockPass) October 15, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
