Македонската футсал репрезентација загуби и од Косово (5-7) во вториот натпревар од претквалификацискиот турнир за пласман на СП 2020 кој се игра во СЦ „Јане Сандански“ во Скопје.
Косово повторно го отвори мечот. Поведе со голот на Руковци во втората минута. Крстевски во четвртата израмни на 1-1, но гостите за 20 секунди со голот на Маџарај повторно стигнаа до водство (1-2). Алај во 13. минута зголеми на 1-3, Македонија повторно намали со голот на Исмаили во 16 минута, додека на полувреме се замина со резултат 2-4 откако на 2 секунди до крајот за Косово стрелаше Ќерими.
Нашите репрезентатици фуриозно го почнаа вториот дел и со головите на Зибери, Агуши и Мицевски стигнаа до целосен пресврт (5-4). Сепак, гостите успеаја да се стабилизираат и со головите на Пренџи во 34. минута и Керими и Топилја во самиот финиш да стигнат до конечна победа од 5-7.
Македонија в недела против Украина ќе го одигра последниот меч во овие квалификации за Светското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
