Србија, Хрватска, Литванија и Канада ќе бидат домаќини на кошаркаските квалификациски турнири за пласман на Летните олимписки игри во Токио 2020 година, потврди ФИБА. Турнирот во Србија ќе се игра во Белград, тој во Хрватска во Сплит, во Литванија во Каунас и во Канада во Викторија. Натпреварите ќе се играат во периодот од 23. до 28. јуни следната година, а место во Токио ќе обезбедат само победниците на турнирите.
Кога е во прашање женскиот квалификациски турнир Србија исто така ќе биде еден од домаќините, а покрај нив се и Белгија Франција и Кина. Натпреварите ќе се играат во периодот од 6. до 8. февруари следната година. За разлика од машка конкуренција, кај дамите 10 места ќе бидат на располагање за пласман на ЛОИ.
Жребот за квалификациските групи во двете конкуренции е закажан за 27. ноември.
The 8 men’s and women’s #FIBAOQT hosts have been revealed for 2020 ? https://t.co/NnzJClBWUG
— FIBA (@FIBA) November 15, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
