Фенербахче игра очајно, никако не успева да врзе две добри партии во Евролигата, а згора на тоа Жељко Обрадовиќ не може да крене глава од проблеми со повредените кошаркари. Така, турскиот гигант тргна на мини-турнеа со оглед на двете врзани гостувања против Барселона и Асвел, но Обрадовиќ за овие две средби нема да може да смета на Нандо де Коло и на Лео Вестерман.
Францускиот бек се повреди на претходниот дуел со Баерн и потоа не настапи против ЦСКА Москва, додека Вестерман поради проблем со мускулот исто така нема да му биде на располагање на Обрадовиќ.
Фенербахче е најголемо разочарување на стартот од Евролигата, откако поранешниот европски првак во првите осум кола забележа само две победи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
