Кратовски Силекс, во премиерниот натпревар од последното есенско коло во Првата македонска фудбалска лига, денеска од 13 часот пред своите навивачи го посакува и „скалпот“ на Академија Пандев.
Тимот на Горан Симов игра одлично сезонава, па огромна е желбата со позитивен резултат да се стави крај на првиот дел од шампионатот. Денешниот дуел е пресметка за второто место ако се знае дека во моментов „пандевци“ е со само три бода предност во однос на Силекс.
Последните две меѓусебни средби во Кратово завршија со победи на Силекс од 3-0 и 1-0. Интересно, досега во историјата Академија Пандев воопшто нема победа во Кратово. Од пет меѓусебни натпревари во Кратово, четири завршиле со победа на Силекс и едно реми без голови.
ПРВА ЛИГА – 18. КОЛО (денеска, 13 ч.)
Кратово: СИЛЕКС – АК. ПАНДЕВ
УТРЕ (13 ч.)
Скопје: ВАРДАР – ШКЕНДИЈА
Струга: СТРУГА ТЛ – БОРЕЦ
Скопје: ШКУПИ – МАКЕДОНИЈА ЃП
Тетово: РЕНОВА – РАБОТНИЧКИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
