Оле Гунар Солскјер не ја крие гордоста по новото одлично издание на Манчестер Јунајтед, откако „црвените ѓаволи“ неколку дена по победата над Тотенхем го зедоа и скалпот на Манчестер Сити. Извонредното прво полувреме беше пресудно, откако Рашфорд и Марсијал донесоа водство што „ѓаволите“ го претворија во конечен триумф и нови три бода.
„Оваа победа долго ќе ја паметиме, не само поради резултатот туку играта. Бевме многу опасни кога игравме против најдобриот тим во светот и успеавме да ги победиме на нивни терен. Сити има извонредна екипа, а ние не само што се браневме, туку и создадовме многу шанси. Тешко е да им се земе топката, но кога ние ја имавме во наш посед бевме исклучително опасни, требаше да водиме уште поубедливо по првото полувреме“ – изјави Солскјер.
Манчестер Јунајтед со оваа победа се искачи на петтата позиција на табелата, со пет бода заостанување зад четвртопласираниот Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
