Ракометната репрезентација на Чешка и се придружува на Австрија како патник во втората фаза на Европското првенство. Во последниот дуел, Чесите ја совладаа Украина со 23-19 и како второпласирана селекција со 4 бода патуваат во следната рунда. Австрија е првпласирана со максимални три победи, а Македонија на крајот завршува на третото место во групата Б. Украина оди дома со три порази, тоа е селекцијата која единствено успеа да ја победи составот на Данило Брестовац.
Украинците на полувреме имаа еден гол предност (10-9) и надеж дека можат да направат изненадување, меѓутоа Чешка во вториот дел покажа дека е поквалитетна ракометна селекција и заслужено се пласираше во втората фаза од ЕВРО 2020.
Норвешка ја совлада Португалија со 34-28 за прво место во групата Д, а Шведска беше подобра од Полска (28-26) и патува како второпласирана селекција од групата Ф во главната фаза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
