Германија рутински ја одработе задачата на премиерниот натпревар од главата фаза против Белорусија, но селекторот Кристијан Прокоп неочекувано на стартот од второто полувреме остана без помошта на Џулиус Кун. Причината е невообичаена, левиот бек останал заклучен во соблекувалната бидејќи се задржал во тоалетот за време на паузата меѓу двете полувремиња.
„Останав последен во тоалетот и веднаш стана јасно дека нешто не е во ред, стана целосна тишина во соблекувалната. Излегов и видов дека сите се веќе на теренот, второто полувреме почнало, а јас останав заклучен внатре. Ме фати паника и почнав да тропам, но за среќа еден од чуварите ме слушна и ми ја отвори вратата“, изјави Кун за порталот „Хендбол ворлд“.
Германија во следното коло, утре ќе се сретне со селекцијата на Хрватска (20.30 часот).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
