Интер стави крај на серијата од три ремија и им се врати на победите во Серија А. Тимот на Антонио Конте го совлада Удинезе на гости со 0-2, со двата гола на Ромелу Лукаку. Македонскиот репрезентативец Илија Несторовски остана на клупата за резерви и не доби шанса за настап.
Белгиецот го отвори резултатот во 64.минута, а седум минути подоцна погоди и од пенал. Претходно Алексис Санчез беше фаулиран во шеснаесетникот од голманот на Удинезе, Хуан Мусо.
Интер се врати на второто место и има три бода негатива во однос на лидерот Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
