Манчестер Сити доби забрана за учество во Лигата на шампионите следните две години. „Граѓаните“ се казнети поради кршење на финансискиот фер-плеј, а покрај забраната за настап добија и парична казна од 30 милиони евра.
Клубот веднаш најави жалба до Судот за спортска арбитража во Лозана, а ако тој ја потврди казната до крајот на Премиер-лигата ќе биде вистинска лудница за местата кои ќе водат во елитното натпреварување следната сезона. Сигурно е дека Сити ќе заврши меѓу четирите најдобри екипи, но по оваа одлука пласман во ЛШ ќе обезбеди и петтопласираниот на табелата.
За оваа позиција има многу кандидати. Во моментот на петтото место е Шефилд Јунајтед, но со оглед на малата разлика во бодови можно е на таа позиција да се најде и некој од клубовите кој е многу подоле на првенствената табела. Шефилд во моментов има 39 бода, и се наоѓа пред Тотенхем, Евертон, Манчестер Јунајтед и Вулверхемптон, тимови меѓу кои ќе се бара последниот патник во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
