Кошаркарската репрезентација на Македонија го одржа единствениот тренинг во салата „Молот“ во Перм во пресрет на утрешниот квалификациски меч против Русија. Планирани беа два тренинга, но поради долгото патешествие, пропуштен е првиот тренинг во Перм.
„Патувавме 17 часа, преку Софија и Москва и пристигнавме во два часот после полноќ. Според распоредот, имаме тренинг во времето на одигрување на натпреварот на кој ќе се обидеме да испробаме некои тактички замисли. Атмосферата е добра бидејќи и играчите, како и јас, веруваат во овој процес. Сите добро знаеме дека една загубена битка не значи и загубена војна“– вели селекторот Александар Тодоров, пред утрешниот меч со Русија во Перм.
Селекцијата на Русија која е без евролигашките ѕвезди исто така имаше неуспешен старт на квалификациите и загуби убедливо на гостувањето во Италија (64-83).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
