Германскиот првак Баерн Минхен ќе му понуди продолжување на соработката на актуелниот тренер Ханси Флик. Тој го „изгаси“ пожарот по заминувањето на Нико Ковач и го подготви тимот за високи дострели. Баерн Минхен се врати на врвот на табелата во Бундес-лигата, а синоќа оствари убедлив триумф (0-3) на „Стемфорд бриџ“ во првиот осминафинален меч од Лигата на шампионите.
„Во црвениот пакет има пенкало. И во Баерн Минхен, понекогаш потпишувате документи со пенкало. Со победата во Лондон направивме голем чекор кон четврт-финалето“ – изјави претседателот Карл – Хајнц Румениге.
Ханси Флик има договор до крајот на сезоната, но очигледно дека ќе добие понуда за продолжување на соработката за подолг период.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
