ПСЖ се соочува со огромен проблем во пресрет на утрешниот реванш против Борусија Дортмунд, откако беше обелоденето дека Килијан Мбапе поради болест е крајно неизвесен за настап со „милионерите“.
Французинот треба да биде главен адут на Томас Тухел во обид да се надополни негативата од 1-2 од првиот меч, но тој ги пропушти последните два тренинзи. Мбапе не тренираше вчера, а откако ниту утрово не се појави на тренинг стана јасно дека не станува збор за ништо наивно.
Неофицијалните информации говорат дека станува збор за вирус поради кој Мбапе е „врзан за кревет“, а лекарите прават се што можат за да го оспособат вечерва да тренира барем триесетина минути, а потоа утре да може да настапи против „милионерите“ од Дортмунд.
Тухел за утрешниот реванш нема да може да смета на Верати, Ерера и Муние, а неизвесен е настапот на Тијаго Силва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА