Германскиот првак Баерн Минхен е подготвен да плати 40 милиони евра и да го купи првиот голмански избор на Барселона, Марк Андре Тер Штеген. Германскиот репрезентативец отпочна преговори со раководството на каталонскиот клуб за продолжување на соработката, но се чини дека и не е најзадоволен од понудата со која би требало да остане на „Камп Ноу“ до 2024 година.
Барселона му нуди 6,5 милиони евра годишна плата на Тер Штеген, а Баерн Минхен е подготвен да влета со понуда од 8 милиони евра по сезона. По најновата ситуација со коронавирусот која значително ќе ги намали приходите на клубовите, сигурно дека и понудите за фудбалерите нема да бидат така големи како пред кризата.
Баварскиот гигант веќе го договори трансферот на Нубел од Шалке, а евентуалното доаѓање на Тер Штеген ќе значи и дефинитивно заминување на Мануел Нојер од „Алијанц Арена“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
