Бундес-лигата е во прекин, впрочем како и фудбалот во целиот свет освен во Белорусија, а претседателот на Баерн Минхен, Карл-Хајнц Румениге, смета дека сезоната мора да се одигра по завршување на пандемијата и да има завршница.
„Ако ова не е во спротивност со епидемиолошката состојба и со политичката состојба, тогаш тоа е единствената опција која треба да ја разгледуваме. Дури и ако тоа значи дека следната сезона не би започнала пред зимата. Треба да ја одиграме оваа сезона заради спортска искреност, но, секако и за да ги задржиме економските штети што е можно пониско“, изјави Румениге.
До крајот на првенството во Бундес-лигата остануваат уште девет кола, Баерн Минхен се наоѓа на врвот на табелата со 55 бода, четири повеќе од Борусија Дортмунд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
