Нови обвиненија за корупција во највисоките редови на ФИФА поврзани со гласањето за домаќини на Светските првенства во Русија и во Катар објавува американското ФБИ. Агенцијата тврди дека високи членови на Бордот на ФИФА земале мито во замена за гласови за Русија и за Катар.
Последните две обвиненија се однесуваат на Николас Леоз поранешниот претседател на Јужноамериканската конфедерација и за поранешниот претседател на бразилската федерација, Рикардо Тешеира. Двајцата наводно зеле пари во замена за гласови во корист на Катар. Леоз почина минатата година во домашен притвор во Парагвај додека се бореше да избегне екстрадиција во САД. Беше доживотно суспендиран од ФИФА како дел од истрагата на асоцијацијата поврзана со наводите за корупција.
Од друга страна, ФИФА ги ослободи Русија и Катар од вина во интерната истрага. Со оглед дека првенството во Русија веќе се одржа под притисок сега потворно е шампионатот во Катар кој треба да се одржи во ноември 2022 година.
Организациските комитети од двете држави одбија да дадат коментар на темата. Но, ФИФА сега повтроно е под голем притисок околу Светското првенство во Катар со оглед дека се поголем број поранешни функционери на организацијата се под обвинение за земање поткуп во корист на следниот домаќин на мундијалот. Гласањето беше пред речиси 10 години, но првпат јавно за ова почна да се зборува во 2015 година кога ФБИ отвори истрага.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
