Дефанзивецот на Баерн Минхен, Никлас Суле, се повреди на првиот тренинг откако се врати по шестмесечна пауза. Тој почувствува болки во коленото кое го оперираше поради скинати вкрстени лигаменти и повторно ќе паузира. Очигледно дека не е доволно подготвен за да се му се врати на тренажниот процес.
24-годишниот Суле претходно две седмици работеше индивидуално, а денеска првпат се појави во тренинг – базата на Баерн Минхен и работеше во група со Џером Боатенг, Томас Милер, Леон Дајаку и Фијет Арп. Сепак, набрзо се пожали на болки во левото колено и замина во соблекувалната, информираат германските медиуми.
Суле во октомври 2019 година го оперираше коленото во Инсбрук.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
