Италијанскиот калчолигаш Интер се вклучува во трката за ангажман на Ашраф Хакими. Тој изминативе две сезони игра одлично во дресот на Борусија Дортмунд откако дојде на позајмица од Реал Мадрид и го сврте кон себе интересот на големите европски клубови. Но, по завршувањето на сезоната треба да се врати на „Сантијаго Бернабеу“, а тренерот Зинедин Зидан нема намера да го продаде.
Антонио Конте е водоушевен од неговите игри и сака да го доведе на „Џузепе Меаца“. Неговата вредност се проценува на 50 милиони евра, Интер не е подготвен да ја плати веднаш целата сума, но ќе се обиде да преговара за позајмица. Сепак, јасно е дека тоа ќе биде речиси невозможна мисија.
Ашраф Хакими на 26 натпревари во дресот на Борусија Дортмунд оваа сезона постигна три гола и забележа 10 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
