Вардар имаше Бразилец во својот табор, а многу лесно може да се случи во редовите на „црвено-црните“ да заигра и аргентински ракометен репрезентативец. Шпанскиот портал „Хандбалл 100 х 100“ информира дека македонскиот шампион е сериозно заинтересиран за услугите на Пабло Симонет, средниот бек на шпанскиот прволигаш Енкантада.
Пабло е брат на фантастичниот Диего Симонет, ас на Монпелје кој го има прекарот „ракометен Меси“, а кој со квалитетите сепак е зад МВП-ракометарот од Ф4 турнирот во Келн во 2018 година. Сепак, „вардарци“ се мачат да пронајдат квалитетна опција на среден бек по заминувањето на Сташ Скубе, а по неуспешниот обид да се стигне до Португалецот Мертенс сега вниманието е насочено кон аргентинскиот интернационалец.
Симонет летово потпиша за Енкантада, но понудата на Вардар може да го натера Аргентинецот да ги промени своите планови и кариерата да ја продолжи во Македонија. Се очекува „црвено-црните“ во следните денови да го комплетираат и трансферот на Гоце Георгиевски, за чии услуги сериозен интерес покажа и Металург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
