Каталонскиот гигант Барселона е во потрага по нов напаѓач. Првата опција е купувањето на Лаутаро Мартинез од Интер за сума од 111 милиони евра, но раководството размислува и за многу поевтина варијанта, да го доведе Единсон Кавани на „Камп Ноу“ како слободен агент.
Уругваецот дефинитивно го напушта Пари Сен Жермен и начелно е договорен за трансфер во Атлетико Мадрид, но тука во игра жестоко би можела да влезе Барселона. Каталонците се подготвени да му понудат двегодишен договор на Кавани и да го спојат со репрезентативниот колега Луис Суарез.
Доколку се реализира една ваква зделка, тогаш трансферот на Лаутаро Мартинез од Интер би можел да биде одложен и за следното лето, кога последиците од коронавирусот се очекува да бидат многу помали.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
