Веднаш по денешното пристигнување во Охрид, фудбалерите на Работнички одиграа убедлив прв пријателски натпревар летово славејќи против повратникот во Првата лига, Пелистер, со 2-0.
На стадионот на СРЦ „Билјанини извори“ во Охрид, „романтичарите“ поведоа со прекрасниот гол на Силјановски во 32. минута кој прецизно шутираше од 16 метри.
Конечните 2-0 ги постави Џордан Ломба во 68. минута од средбата.
Шефот на стручниот штаб на Работнички, Ратко Достаниќ натпреварот против Пелистер го почна во следниот состав: Јанков, Силјановски, Трајковиќ, Ѓорѓевиќ, Зука, Станковски, Тошевски, Шаркоски, Стојкоски, Максимов, Тодоровски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА