И деветта сезона едноподруго Јувентус го освојува трофејот во Серија А. На две кола пред крајот на италијанскиот шампионат, „црно-белите“ ја осигураа новата титула со триумфот на домашен терен против Сампдорија од 2-0.
Патот до Скудетото го отвори Кристијано Роналдо со прекрасниот гол во седмата минута од судиското продолжение во првото полувреме, а по извонредната асистенција од Пјаниќ.
#JuveSamp Godoooooooooooooooo pic.twitter.com/EekTrUFSlQ
— Gianluca (@Gianluca_1927) July 26, 2020
Конечните 2-0 ги постави Бернардески во 67. минута од натпреварот, без сомнение за конечна огромна радост на сите фанови на „Старата дама“ ширум светот. Роналдо во финишот промаши и пенал за уште поубедлива победа на Јувентус.
За Јувентус единствен проблем во ноќта во која ќе се слави е повредата на Пауло Дибала кој беше принудно заменет во 40. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА