Напаѓачот на Борусија Дортмунд, Ерлинг Халанд, не планира брзо да си замине од германскиот бундеслигаш. Поточно, посакува да ја освои титулата во Бундес-лигата со „милионерите“, а потоа да замине во некој од големите европски клубови кои желно го исчекуваат. Халанд во јануари за 20 милиони евра од Ред Бул Салцбург се пресели во Борусија Дортмунд и потврди дека е чудесен голгетер, постигнувајќи 16 гола на 18 натпревари.
„Имам повеќегодишен договор со Борусија Дортмунд, до 2024 година. Големата цел е да ја освојам титулата во Бундес-лигата и да ја прославам со фантастичните фанови на Борусија. Потоа ќе размислувам за следни чекори во кариерата“, изјави Халанд.
Борусија Дортмунд нема освоено титула во Германија од 2012 година и никако не може да ја сопре доминацијата на Баерн Минхен. Оваа сезона тимот заврши на втората позиција, но со огромни 13 бода заостанување зад шампионот Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
