Гоце Седлоски летово си замина од Вардар прифаќајќи ја понудата за да стане тренер на вториот тим на Динамо Загреб, што придонесе да дојде и до промена во кариерата на неговата ќерка Андреа.
Оваа 17-годишна ракометарка го носеше дресот на Вардар и важи за голем потенцијал на бековската позиција, веќе беше повикана и на собирите на сениорската репрезентација, но по семејната преселба на Седлоски јасно беше дека и Андреа ќе ги менува клупските бои. Локомотива Загреб е новиот клуб на младата македонска ракометарка, која ги договори условите за соработка и денеска и официјално потпиша договор со оваа екипа.
Станува збор за клуб кој е познат по тоа што им дава шанса на помладите ракометари и овозможува правилен развој, а Локомотива покрај настапот во домашното првенство ќе се натпреварува и во ЕХФ-Купот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
